كن أنت

حبيبي .. كن أنت

قد أزلت كل الأقنعة والأحجبة ... فوجدتك شخصا آخر

كفاك خداعا وكذبا .. كفاك تجملا أمامي ...

أراك تضع قناعا خلف قناع ..

أراك ترسم شخصا غير شخصك

أخاف أن أصحو يوما

فأكتشف أني أحببت شخصا آخر غيرك

ذلك الشخص الذي ترسمه أمامي

أرجوك كن على طبيعتك .. حبيبي كن أنت ..

فأحبك كما أنت ..

كلاكيت تاني مرة

مبرووووك لكل الأهلاوية

الفوز على الزمالك للمرة التانية على التوالي في أقل من أسبوع

في نفس المكان ستاد القاهرة

وإن شاء الله عقبال لما نفوز عليهم في كل الماتشات رايح جاي

ومباركة خاصة جدااا للأستاذ عمرو أديب

:p

كل سنة وأنتم طيبين في الذكرى ال56 للثورة

في الذكرى ال 65 لثورة 23 يوليو 1952

هل يجب أن نحتفل بهذه المناسبة فعلا؟!!

أنا لا أنكر أنه تحول كبير في تاريخ مصر المعاصر .. بل وتحول كبير في تاريخ العالم كله

وأنها لحظة تاريخية ... حررت كثيرا من الأفكار المسجونة

وأنها دفعة إلى الأمام ... بل كانت قفزة إلى الأمام

شكرا لتنظيم الضباط الأحرار

ولكن ... لماذا لا أشعر بسعادة حقيقية وأنا أشاهد الاحتفالات بالذكرى العظيمة

لأني شعرت برغبتي في رثاء أولائك الذين ضحوا وتعبوا من أجل الثورة

استرجعوا معي مبادئ الثورة الستة : ولنرى ماذا تحقق منها اليوم؟

- القضاء على الإقطاع :

اليوم نرى نوعا جديدا فريدا من الإقطاع لا يوجد إلا في بلدنا الجميلة ..حصريا

بالتأكيد مختلف عن المقصود في مبادئ الثورة

ولكنه إقطاع مستتر

وإستعباد للعمال والفلاحين البسطاء .. بمحض إراداتهم



-القضاء على الاستعمار :

هل ترون أننا فعلا قضينا على الاستعمار؟؟

أنا أرى سيناء التي يتغنون بتحريرها .. أراها مليئة بالمستثمرين اليهود

كل ذلك في الخفاء

هذا بغض النظر عن الاستعمار المعنوي لعقول شبابنا المغيب



- القضاء على سيطرة

رأس المال :

ههههه ... هذا المبدأ على الخصوص لن أتحدث عنه

فلا كلام يستطيع أن يستوفي هذه النقطة

يكفيني أن أذكركم بالحيتان التي تسيطر على اقتصاد الدولة

والحرامية على كبير

يكفيني أن أضع قصة عبارة السلام في الصورة

- إقامة حياة ديمقراطية سليمة :

هههههه

الآن في مصر ما أحب أن اسميه الديمقراطية المزيفة

بمعنى ( أتكلم .. قول رأيك بحرية .. بس هتاخد على قفاك )

أذكركم بالانتخابات الرئاسية المزيفة

التي اعتبرها مجرد مسرحية كوميدية

وبعدها أنتم تعرفون ماحصل لأيمن نور .. ونعمان جمعة

- إقامة جيش وطني قوي :

هنا ألفت نظركم فقط إلى الشباب المصري

الذي يكره مجرد استدعاءه لأداء مايفترض أنه واجبه

بل وأغلبهم يتبعون العديد من الطرق والوسايط .. لاستثناءهم

أتذكر قريب لي قام بقطع أصبعه بالساطور حتى يستبعد من الجيش

هنا يجب أن نسأل عن السبب

لماذا اتخذ الشباب هذا الموقف ..

ماذا يرى الشاب في ذلك الجحيم الذي يتمنى الهروب منه

سوء معاملة ؟ فساد؟ استغلال؟

عموما من الصعب تكوين جيش قوي بتلك الطريقة

.. وإحنا خير أجناد الأرض!!!

- إقامة عدالة اجتماعية :

هههههههه

وعدونا بالعدالة الاجتماعية

فنجد الوسايط والكوسة .. والفلوس اللي بتعمل كل حاجة

أنت مقامك على قد الفلوس اللي في محفظتك

وعدونا بتقليص الفوارق بين الطبقات

فنجد في مصر الآن طبقتين فقط بدل تلاتة

طبقة فقيرة جدا

وطبقة غنية جدااا

والفجوة بتتسع بينهم مع مرور الأيام

لنا الله

لذا ...

تقبلوا خالص العزاء مني في ذكرى الثورة

إنا لله وإنا إليه راجعون

من ضريبة لضريبة .. ياقلبي لاتحزن

من فترة كدة كنت مسافرة .. .. ورجعت مصر نزلت في المطار لاقيتهم بيقولولي حاجة غريبة جداااا

آل عاوزين ضريبة السفر

نعم؟؟

ضريبة السفر

ااااااااااه

ضريبة السفر!!!!!

ليه؟؟

عشان نحرم نسافر تاني

مممممم

والله أنا فكرت مع نفسي ... ولاقيت أنهم مش لاقيين حاجة يعملوا عليها ضرايب

خلاص خلصوا كل حاجة

قلت ياخوفي لحسن بعد شوية يقولولنا أدفعوا ضريبة النفس اللي بتتنفسوه

طول مأنت بتتنفس أوكسجين البلد دي لااازم تدفع ضريبة التنفس

مممم

وبعدها بكام يوم .. لاقيتهم أكتشفوا ضريبة جديدة يذلوا أهلنا بيها

( الضريبة العقارية)

مممممم

على فكرة أنا عمري ماشفت بلد كدة في العالم

هما عاوزين إيه؟؟؟!!!!

اللي يسمع كدة يقول علينا بلد فقيرة في الموارد مثلا

مصر فيها خير كتير جدااا

وكل أنواع الموارد متوفرة

البشرية والمادية

وسياحة وأرض تتزرع

إحنا عندنا خير كتير والحمدلله

بس للأسف

حاميها حراميها

ربنا يستر على اللي جاي