نانسي ... نانسي ... نانسي
أول ظهور ليها كان في أغنية أخاصمك أه
أول ما اتعرضت الأغنية دي الناس هجمتها بشكل رهيب
وأنا معاهم
بس دلوقتي لو قارنتوا بين أغنية أخاصمك أه و أي أغنية لهيفا أو إليسا أو دانا
أو غيرهم
هتلاقيها أغنية عادية جدا جدا
ونانسي استمرت في إبداعها
كل أغانيها
وكل الأغاني اللي صورتها
ابتعدت تماما عن الإغراء
في أغنية ياي
حبيتها جدا
ودايما بتفكرني بابن عمي اللي في أمريكا
عشان كان بيعشق الأغنية دي
ماتبصوش للصورة أويهو بيحب يتصور بالمشقلب
وحشتني ياواااااااااد
وأغنية لون عيونك
عجبتني رومانسيتها
في حركة جريئة جدا ونادرة عملت بلياتشو في ياطبطب وأدلعمش أي مغنية تقدر تعمل كدة
وفي أغنية قول تاني كدة
عجبتني رقتها وخجلها
الأغنية دي دايما يتفكرني ب نور وشيرين
عشان كنا دايما نهيس عليها
وفي أغنية إحساس جديد
بجد أبدعت
قصة الفيديو كليب مؤثرة جدا
نانسي المبدعة
أنا حبيتها جدا من قبل ما أشوفها
لأنها ليها وجه طفولي ... ولذيذة
لكن لما شفتها بجد حبيتها أكتر وأكتر
ولاقيتها شخصية لذيذة وخجولة
وبتقدر حب الناس ليها ، ومتواضعة جدا
ودلوقتي هحكيلكم قابلتها إزاي
كانت عاملة حفلة للأطفال هنا في قطر
بتغني فيه أغاني الألبوم بتاعها بتاع شاطر شاطر
يعني المفروض إنها حفلة للأطفال
بس نور بقى قالت إزااااااااي نانسي تيجي قطر ومش نحضر الحفلة
أصل نور دي معجبة نانسي الأولى في الشرق الأوسط ، وتعرف نانسي شخصيا ، كانت اتعرفت عليها في كواليس إعلان
كوكاكولا بتاع (الدنيا حلوة)
ماعلينا
المهم نور دي صاحبتي الأنتيخ
وهي اللي أصرت وحلفت عليا إننا نروح الحفلة
إزاي يابنتي دي للأطفال؟
نور: مإحنا أطفال بردو
ههههه
أنا : طب أنا موافقة نروح عشان نخلي بالنا من أخوكي وأصحابه الصغيريين أكيد مش هنسبهم يروحوا لوحدهم ... هيتوهوا طبعا
وهكذا
احتلينا أماكن جنب الأطفال في الحفلة ، وبصراحة مش كنا لوحدنا اللي محتلين أماكن الأطفال
في غيرنا كتيييير عاملين نفسهم آل إيه بيخلوا بالهم من الصغيريين
وبدأ الحفل
رحنا إحنا وباقي الشلة الفاقدة
كنت أنا ونور وفرح ودارين ونفين ولينا
والعيال أخواتنا طبعااااا
ممممم
هكملكم اللي حصل في الحفلة
وإزاااي قابلنا نانسي ؟!!!
بالصور والفيديو كمان
بس في البوست الجاي إن شاء الله
عشان أنا دلوقتي نعسانة
